About Me

༄༅།། མཛེས་སྡུག་གི་རི་ཆུ་དྭངས་ཤིང་བསིལ་བའི་བོད་ཁ་བའི་ལྗོངས་སུ་སྙོམས་ལག་ཐོག་མར་རྒྱས་དུས་ནས། ངས་ཕ་ཡུལ་གྱི་ཡོད་ཚད་བཅིང་གྲོལ་ཟེར་བའི་ཁ་གཡང་སྙན་མོ་དོན་དམ་པར་ཡ་ང་བའི་གོད་ཆག་ཆེན་པོ་དེའི་འོག་ཏུ་ཤོར་ཡོད། ང་ཡང་དེ་བཞིན་ནོར་ནག་གི་ངུར་སྒྲའི་ཁྲོད་ནས་ཉམ་ཆུང་དུད་འགྲོ་ཞིག་གི་རྟུལ་ཞུགས་བཟུང་སྟེ་ནར་སོན། ད་ལྟ་ཡང་ས་མཐའི་གྲུ་ཁ་ཞིག་ན་རེ་བའི་མེ་ཏོག་གངས་ཅན་བོད་ལ་འཕེན་བཞིན། ངས་ཡོད་ཚད་མི་རིགས་དང་རྒྱལ་ཁབ་ལ་འབུལ་པའི་སྤོབས་པ་དང་ཡིད་ཆེས་ཀྱི་ལ་རྒྱའི་བདེན་གཏམ་དབྱངས་སུ་གྱེར་བཞིན་འདི་ལྟར་འཚོ།

Interests

དྲང་བདེན་དང་ཞི་བདེ།

Favorite Music

༄༅།། ང་རང་ཆེས་དགའ་ཤོས་ཀྱི་རྩེད་མོ་ནི་རྐང་རྩེད་སྤོ་ལོ་ཡིན།

Favorite TV Shows

༄༅།། གཡོ་རྒྱུས་ལྷད་མ་ཞུགས་པའི་རྒྱལ་སྤྱིའི་གནས་ཚུལ་གལ་ཆེན་ཁག་ལ་ལྟ་འདོད་ཡོད།

Favorite Books

༄༅།། ཆོས་སྲིད་ཟུང་འབྲེལ་སྐོར་གྱི་བཀའ་སློབ་ནི། ང་ཆེས་དགའ་ཤོས་ཀྱི་དཔེ་དེབ་ཡིན།
དཔེར་༧་གོང་ས་མཆོག་གི་བཀའ་སློབ་སྙིང་གི་ནོར་བུ་ལྟ་བུ།

Favorite Quote

༧་གོང་ས་མཆོག་གི་ཞལ་ནས། འཛམ་གླིང་ཐོག་དྲང་བདེན་དང་ཡ་རབས་སྤྱོད་བཟང་འདི་མེད་པ་ཆགས་ན། མི་ཚེའི་སྙིང་པོ་བརླགས་པ་ཡིན། གསུངས་པ་ནི་ཆེས་ཡིད་ཆེས་དང་གདང་འཇོག་བྱེད་ས་གཙོ་བོ་དེ་ཡིན།

Journal

View All 2 Entries Add Comment

༄༅།། རེ་འབོད། : Jul 13, 2008

གྲགས་པའི་ལྟད་མོ་རིང་ན་འབར་བ་གུ་དོག་རྡ་སའི་ཁྲོམ་གཞུང་ན།།

ལྷ་མོ་སྟོང་གི་གར་ལས་མཛེས་པ་ཤིན་ཏུ་ངོ་མཚར་ལྟད་མོ་ཞིག།

མཐུ་ལྡན་ལྷ་དང་འཕྲུལ་ལྡན་འདྲེ་ཡི་འདྲེན་བྱེད་མིག་གིས་མ་མཐོང་བར།།

མུན་ཁོང་དྲོན་མོའི་མལ་ལ་བརྟེན་པ་མིག་སེར་ཅན་འདི་ཁོ་ནས་མཐོང་།།

དགོན་གྱི་བཙུན་པ་གྲོང་གི་མཐའ་ན་མི་རྐྱང་བཞིན་དུ་ཐ་ར་ར།།

མགོ་སེར་བུ་མོའི་རྐུབ་དང་མྱོས་བུམ་མིག་ལ་མངོན་ཚེ་འཛུམ་རིག་རིག།

ཆ་དང་རྒྱུས་མངའ་སྤུ་ཙམ་བྲལ་ཡང་ཕན་ཙུན་གྲོགས་བཞིན་འཛུམ་མུལ་མུལ།།

དེང་རབ་བཙུན་པའི་མཛད་སྤྱོད་དེ་དག་མིག་གི་མཐོང་ཚེ་ཨ་ཧ་ཧ།།

གནག་སྣུམ་སྐྲ་ལོར་གསེར་ཞུན་བྱུག་བཞིན་ཉི་ཟེར་འོག་ན་སེར་ལམ་ལམ།།

བྲང་དང་ལྟེ་བ་གོས་ཀྱིས་མ་ཁེབས་ཉིན་མོའི་དུས་ཡང་དམར་ལྷེམ་ལྷེམ།།

ཞག་གཅིག་འགྲོགས་པའི་ཉལ་རོགས་ཡིན་ཡང་ཚེ་གང་གྲོགས་བཞིན་གཉོམ་དུང་དུང་།།

ཞི་དུལ་བག་ཡོད་གངས་ཅན་བུ་མོའི་གཤིས་སྤྱོད་དེ་འདྲ་ག་ལ་ཡིན།།

ན་ཚོད་གཞོན་པའི་བུ་དང་བུ་མོ་ལྔ་རིག་གླིང་ལ་མི་འཛུལ་བར།།

རུལ་དྲི་འཐུལ་བའི་སྲང་བར་ཀུན་ན་ཁྱི་སྤྱང་བཞིན་དུ་འཁྱམ་ཞིང་ཉུལ།།

མ་འོངས་བོད་ཀྱི་རེ་བའི་སོན་རྩ་ན་གཞོན་ཕོ་མོ་ཞེས་བསྔགས་དུས།།

སྐྱེས་ཆེན་སུ་ཡིས་ལུང་བསྟན་ཡིན་ཡང་ང་ལ་དངོས་གནས་ཡིད་གཏོད་བྲལ།།

དམར་པོ་རྒྱ་ཡིས་བཙན་གནོད་དྲག་པོས་གཞན་ཡུལ་ལུང་བར་བདས་ན་འང་།།

ཆོས་དང་ཆོལ་ཁའི་ཕྱོགས་རིས་བརྩད་ནས་ཕན་ཚུན་དགྲ་ཡི་དྭངས་མྲ་བཟུང་།།

བདེན་དོན་རྩོད་ཕྱིར་བདེན་པའི་དབང་པོ་རི་བོའི་གཏོས་དང་མཉམ་ན་ཡང་།།

ཆོལ་གསུམ་བོད་མིའི་ཆིག་བསྒྲིལ་མེད་ན་ལོ་བརྒྱར་འབད་ཀྱང་འབྲས་བུ་སྟོང་།།

གསལ་བྱེད་སུམ་བཅུའི་མགོ་འཇུག་མི་ཤེས་བོད་པ་ཡིན་སྐད་བྱེས་འབྱོར་འགའ།།

ངག་ལ་འཁྱོང་དཀའ་དབྱིན་ཡིག་སྦྱང་ཚེ་ལྕེ་བརྒྱ་སྤྲུལ་བའི་མཁས་པ་ཞིག།

ཡབ་མེས་རིན་བྲལ་ཤུལ་བཞག་རིག་གནས་འཛིན་ཀྱང་སྤེ་བ་ཞེས་བརྗོད་ཚེ།།

བསམ་ཞིང་བསམ་ན་ངུ་མ་དགོད་ཀྱི་གད་མོ་རང་དབང་མེད་པར་ཤོར།།

ཕྱོགས་ཀྱི་མགྲོན་པོའི་འཚང་ཁ་སྟུག་པ་ནགས་མའི་སུལ་གྱི་རི་གྲོང་འདིར།།

རིང་ནས་སླེབས་པའི་སྐྱེ་བོ་དག་གི་མིག་གིས་ཞིབ་ཀྱིས་བལྟས་པ་ན།།

སྙན་ངག་མཁན་གྱི་པུར་གྱིས་མཚོན་མིན་ལྟ་རྒྱུ་ལྟད་མོ་སྣ་ཚོགས་ཤིག།

དེང་དུས་མེ་ལྷའི་དུས་མཆོད་བཞིན་དུ་མིག་གི་ལྟད་མོར་བཅལ་དུ་བཀྲམ།།

གཙང་ཞོལ་བདེ་ལེགས་ཀྱིས། ༢༠༠༤ ཟླ་ ༡༢ ཚེས་ ༡༣ ལ་བྲིས།